Popular Bible Verses from FAATAOTO, 15

Share

O le tali filemu e liliueseina ai le ita; a o le upu faatiga e tupu ai le ita.

O le mata‘u ia Ieova, o le a‘oa‘oina lea e poto ai; e muamua foi le faamaulalo i le viia.

O le laulaufaiva e malolo ai, o le laau o le ola lea; a o le laulaufaiva faapiopio e momomo ai le loto.

E faaleaogaina mafaufauga pe a leai se filifiliga; a e faatumauina i le toatele o faipule.

O le loto fiafia e tupu ai mata fiafia; a o le loto faanoanoa e momomo ai le agaga.

O loo i mea uma lava fofoga o Ieova; o loo matuā silasila i e amio leaga ma e amio lelei.

E sili ona lelei o se mea itiiti, a o i ai le mata‘u ia Ieova, i le oloa tele, a o i ai le atuatuvale.

O le tagata lotoa, na te faatupuina le misa; a o lē faatoatoa e tuu lelei ia te ia le finauga.

E manatunatu le loto o lē amiotonu, ina ia fai se tali; a o gutu o e amio leaga, e luai mai ai mea leaga.