Popular Bible Verses from MAREKO, 4

Share

Ona tulai lea o ia, ma na vavao atu i le matagi, ua fetalai atu foi i le vai, Faalologo ia, ina malū ia. Ona mate lea o le matagi, i le ua matuā malū. Ona fetalai atu lea o ia ia te i latou, Se a le mea tou te fefefe ai faapea? se a le mea tou te le faatuatua mai ai?

Ona matuā matatau lava lea o i latou, ma fetautalatalai i latou, Po o ai lava lenei, ina ua faalogo lava le matagi ma le vai ia te ia?

A o ia sa i le taumuli, ua tofa i le aluga; ona latou fafagu lea ia te ia, ma fai mai ia te ia, Le a‘oa‘o e, e te le manatu mai ea ia te i matou a fano?

Ua ia fetalai atu foi ia te i latou, Ia outou i mea tou te faalogo i ai; o le fua tou te fua atu ai, e toe fuaina mai ai ia te outou; o outou o e faalogologo, e faaopoopoina ia te outou.

Ua ia fetalai atu foi, O le malo o le Atua ua faapei o le tagata ua na luluina saito i le eleele. Ua moe foi o ia i le po, ma ala i le ao; a ua totogo ae le saito, ma tutupu, ua na le iloa pe na faapefea ia

O le ua i ai taliga e faalogo ai, ina faalogo mai ia o ia.