Popular Bible Verses from MAREKO, 2

Share

Ua lagona e Iesu, ona fetalai atu lea o ia ia te i latou, E le aoga le fomai i e malolo, na o e mamai; ua ou le sau e valaau i e amiotonu, a o e agasala ina ia salamo.

Ua silafia e Iesu lo latou faatuatua, ona fetalai atu lea o ia i le supa, Lo‘u atalii e, ua faamagaloina au agasala.

Ua ia fetalai atu foi ia te i latou, Ua faia le sapati mo tagata, a ua le faia tagata mo le sapati.

Ua le mafai foi i latou ona faalatalata atu ia te ia, auā le motu o tagata, ona latou tatala lea o le ufi o le fale sa i ai o ia, ua faasosofa i ai, ona latou tuutuu ifo ai lea o le moega o taoto ai le supa.

A e peitai ina ia outou iloa o i ai i le Atalii o le tagata i le lalolagi le pule e faamagalo ai agasala, (ua fetalai ane ia i le supa,) Ou te fai atu ia te oe, Ina tulai ia, ina ave lou moega, ma alu atu i lou fale.

Po o le fea e faigofie? po o le fai atu i le supa, Ua faamagaloina au agasala; po o le fai atu, Ina tulai ia, ma ave lou moega, ma savali?

Ona tulai loa lea o ia, ua ave foi lona moega, ma savali ane i luma o i latou uma. Ona ofo tele ai lea o i latou uma, ma vivii atu i le Atua, ua faapea, Ua tatou le iloa mai anamua se mea faapena.