Popular Bible Verses from MATAIO, 23

Share

A o lē sili ia te outou e fai lea ma a outou auauna.

O sē faamaualuga o ia ia te ia, e faamaulaloina lea; a o sē faamaulalo o ia ia te ia, e faamaualugaina lea.

Oi talofa ia te outou tusiupu ma faresaio, tagata pepelo! ua outou avatu mea e sefulu a‘i o le mili, ma le aneto, ma le kumina, a ua tuu e outou o mea silisili o i le tulafono, o le amiotonu, ma le alofa, ma le faamaoni; e tatau pe ana faia nei mea, a e aua foi le tuu na mea.

Oi talofa ia te outou tusiupu ma faresaio, tagata pepelo! ua outou faamamā i le tua o le ipu ma le tanoa, a o totonu ua tutumu i mea ua faoa ma le amio leaga.

Ierusalema e, Ierusalema e, o lē fasiotia perofeta, ma fetogi i maa i e ua aauina atu ia te oe; ua tele lava o‘u manao e faapotopoto i lau fanau, e pei o le moa ona ofaofatai i lana toloai i lalo i ona apaau a e lei mafafai outou.

E faapea foi outou, o fafo ua mataamiotonu i luma o tagata, a o totonu, ua tutumu outou i le pepelo ma le amioletonu.