Popular Bible Verses from MATAIO, 10

Share

Faauta, ou te aau atu ia te outou e pei o mamoe i le va o luko; o lenei, ia outou atamamai pei o gata, a ia fifilemu e pei o lupe.

O lē maua lona ola, e māumau ai ia te ia; a o le faamāumau i lona ola ona o a‘u, e maua e ia.

Aua foi tou te matatau i e fasioti le tino, a e latou te le mafaia ona fasioti le agaga; a e lelei ona outou matatau i le ua mafai ona fano ia te ia le agaga atoa ma le tino i Kēna.

O se le ave lona satauro, ma le lē mulimuli mai ia te au, e le aoga foi lea ia te au.

O lenei, ai se na te ta‘uta‘u a‘u i luma o tagata, o a‘u foi ou te ta‘uta‘uina o ia i luma o lo‘u Tamā o i le lagi. Ai se faafiti foi ia te au i luma o tagata, ou te faafitia foi o ia i luma o lo‘u Tamā o i le lagi.

Ia outou faamalolo i e mamai, faamamā lepela, faatutū i e ua oti, tutuli i temoni. Ua maua fua e outou, ia outou foaifuaina atu.

O lea aua tou te matatau ai; e sili outou i manu iti e tele.

Aua tou te manatunatu ua ou sau e avatu le filemu i le lalolagi; ou te lei sau e avatu le filemu, a o le pelu.