Popular Bible Verses from LUKA, 5

Share

Ua uma lana lauga, ona fetalai atu lea o ia ia Simona, Ina tuutuu atu ia i le loloto, ma tuu ifo ai o outou upega e maua ai ni i‘a.

Ua tali mai Simona, ua faapea mai ia te ia, Le Alii e, ua atoa le po ua tigaina ai i matou, e leai ni mea ua maua; a ona o lau fetalaiga ou te tuu ifo ai le upega. Ua uma ona latou faia o lea mea, ona latou siomia lea o le au i‘a tele lava, ua masae ai lo latou upega.

A ua maliu ia i le mea tuufua ua tatalo ai.

Ou te lei sau e valaau i e ua amiotonu, a o e ua agasala, ina ia latou salamo.

Ua iloa e Simona Peteru, ona faapaū lea o ia i tulivae o Iesu, ua faapea mai, Le Alii e, ina maliu ese atu ia oe ia te au, auā o a‘u le tagata agasala.

Ua tali atu Iesu, ua faapea atu ia te i latou, O e malolo e le aoga i ai le fomai, na o e mamai.

Ua tūta o latou vaa, ona latou tuu ai lea o mea uma, a e mulimuli atu ia te ia.

Sa i le tasi aai o ia, faauta o le tagata ua liloia i le lepela; ua iloa atu e ia o Iesu, ona faapaū fao ai lea o ia, ma aioi mai ia te ia, ua faapea mai, Le Alii e, a e finagalo i ai, e mafai lava ia te oe ona faamamā ia te au. Ona aapa atu lea e ia lona aao, ua pa‘i atu ia te ia, ua faapea atu, Ou te loto i ai; ia mamā oe. Ona te‘a ese loa lava lea o le ma‘i lepela ia te ia.

A ua atili ai ona logo atu le tala ia te ia. Ona faapotopoto mai lea o le motu o tagata e toatele e faalogologo ia te ia, ma ia faamaloloina e ia o latou ma‘i.