Popular Bible Verses from LUKA, 18

Share

Ua fetalai atu foi o ia le faataoto ia te i latou, ina ia tatalo soo e tatau ai, a e aua le faavaivai

E ui lava ina tuai mai le Atua i e na ia filifilia, o loo alalaga i latou ia te ia i le ao ma le po, pe le faamasino ea o ia i a latou mea? Ou te fai atu ia te outou, e vave ona faamasino e ia o a latou mea. Peitai a sau le Atalii o le tagata, e iloga ea e maua e ia le faatuatua i le lalolagi.

Ua fetalai atu ia, O mea e le mafaia e tagata, e mafaia e le Atua.

O nai aso e lei mafai ai o ia; a e mulimuli ane ua faapea ifo o ia i lona loto, E ui lava ina ou le mata‘u i le Atua, ma a‘u le ava i tagata, a e peitai ona o le faasoesa mai ia te au o le fafine nei ua oti lana tane, ou te faamasino i ana mea, ina ne‘i faatiga mai ia te au i lona sau soo.

E moni, ou te fai atu ia te outou, Ai se le tali i le malo o le Atua e pei o se tama itiiti, e le sao lava ia i ai.

A o Iesu, ua valaau atu o ia ia te i latou, ua faapea atu, Ina tuu mai ia o tama iti e o mai ia te au, a e aua tou te vavao ia te i latou; auā e faapei o i latou nei o e o i le malo o le Atua.

Ona fetalai atu lea o Iesu ia te ia. Ina vaai ia ou mata; o lou faatuatua ua e ola ai.

A ua fetalai atu Iesu ia te ia, Se a le mea e te ta‘ulelei mai ai a‘u? e leai sē lelei, na o le toatasi, o le Atua lea.