Popular Bible Verses from EPERU, 12

Share

O lenei, o i tatou foi, o loo ua vagavagaia e le faapotopotoga o e matamata mai e faapea ona toatele, ina tatou tuu ese ia o mea mamafa uma, atoa ma le agasala e faalavelavegofie ai i tatou, ia tatou taufetuli ma le onosai i le ala tanu o i o tatou luma, ma ia vaavaai atu ia Iesu o le na te ta‘ita‘iina ma le na te faaatoatoaina le faatuatua; o le na onosai i le satauro, na faatauvaa ia te ia le mā, ona o le olioli sa tuu i ona luma, ua nofo foi o ia i le itu taumatau o le nofoālii o le Atua.

O aoaiga uma foi a o i ai, e le manatu i ai o se mea e olioli ai, a o le mea e faanoanoa ai; a e mulimuli ane e fua mai ai le fua o le amiotonu e manuia ai e ua a‘oa‘oina ai.

Ia outou tausisi i le filemu ma tagata uma lava, i le ma le amio lelei, a aunoa ma lea, e leai se tasi na te iloa atu le Alii.

Auā, ia outou mafaufau i le na onosai i le faatu‘i ese faapena ia te ia o e agasala, ne‘i faavaivai o outou loto ma outou le lavatia.

O lenei, ua maua e i tatou le malo e le mafai ona luluina, ia tatou faafetai ai, tatou te auauna ai i le Atua ma le migao, ma le mata‘u ia fiafia mai ai o ia.

Afai e talia e outou le aoaiga, o loo tausi mai le Atua ia te outou pei ona tausi i atalii; auā o ai se atalii ua le aoaiina e lona tamā?

Auā foi o lo tatou Atua o le afi maamaai ia

Auā o i latou na latou aoai mai ia i tatou i nai aso itiiti i lo latou faitalia; peitai ane o ia, ua aoai mai o ia e aoga ia i tatou, ina ia tofusia i tatou i lana amio lelei.

Ua oo i nei ona po ua outou le tetee atu e oo i le faasasaaina o outou toto i lo outou tetee atu i le agasala