Popular Bible Verses from KENESE, 15

Share

Ua faatuatua foi o ia ia Ieova, ona ia ta‘uamiotonuina mai ai lea ia te ia.

Ua mavae ia mea, ona tŭlei mai lea o le afioga a Ieova ia Aperamo i le faaaliga, ua faapea mai, Aperamo e, aua e te fefe; o a‘u nei o lou talita, o lou taui e matuā tele lava.

Ua ia aumaia foi o ia i fafo, ma faapea atu, Ina e vaavaai ae ia i le lagi, ma e faitauina fetu, pe afai e mafaia ona e faitauina; ua ia faapea atu foi ia te ia, E faapea lava lau fanau.

Faauta foi, ua tŭlei mai le afioga a Ieova ia te ia, ua faapea mai, E le fai lea tagata mou suli; a o le e fanaua e oe lava e fai o ia mou suli.

Ona fetalai mai lea o ia ia Aperamo, Ia e iloa lelei e āumau lau fanau i le nuu ese, e nofo pologa foi i latou ia te i latou, e faatigaina foi i latou e i latou, o tausaga ia e fa selau

Ona tali atu lea o Aperamo, Le Alii e, Ieova, se a se mea e te foai mai ia te au, auā e leai sa‘u fanau, o le e ona le tofi i lo‘u aiga o Elisara lea le Tamaseko?

O le aso lava lea na osi ai le feagaiga e Ieova ma Aperamo, ua faapea ane, Ua ou foaiina mo lau fanau lenei laueleele, e afua i le vaitafe o Aikupito e oo atu i le vaitafe tele, o le vaitafe o Eufirate lea

A o lona fa o tupulaga latou te toe foi mai ai iinei; auā ua le atoatoa le agasala a sa Amorī i nei ona po.