Popular Bible Verses from I. PETERU, 3

Share

A ia paia le Alii le Atua i o outou loto. Ia saunia pea lava outou e tali atu ma le agamalu ma le mata‘u ia i latou uma o e fesili mai ia te outou i le uiga o le faamoemoe o loo ia te outou. Ia ia te outou le loto fuatia ifo lelei, o le mea foi latou te faaleaga ai ia te outou, peiseai ua outou amio leaga, ia masiasi i latou o e tuua‘i fua la outou amio lelei o ia Keriso.

Auā o fofoga o le Alii o loo faasaga i e amiotonu, e liliu mai foi ona taliga i a latou faatoga. A o fofoga o le Alii o loe faasaga ma le toasa i e fai amio leaga.

Aua ne‘i faia i le tino a latou teuga, o le fili lea o le lauulu, ma le teuteu i auro, ma le oofu i ofu; a o le tagata lilo o le loto, ia teua lea i le mea e le pala, o le loto agamalu ma le filemu, o le mea tau tele lava lea i luma o le Atua.

Auā o lē fia manao i le ola, ma ia iloa aso lelei, soia le tautala lona laulaufaiva i upu leaga, ma ona laugutu aua le tautalatala faa‘ole‘ole. Ia ‘alo ese i le leaga, a ia fai mea lelei; ia saili i le filemu ma tausisi i ai.

O le iuga lenei, ia loto gatasi outou uma, ia fealofani, ia alolofa i le au uso, ia mutimuti vale i le alofa, ia agalelei; aua le taui atu le leaga i le leaga, po o le agatele mai i le agatele atu; a ia outou faamanuia atu, ina ua iloa o le mea lenei na valaauina ai outou, ina ia maua e outou le manuia.

O ai foi na te agaleaga ia te outou, pe afai tou te faaa‘oa‘o i loo lelei?

Ia ‘alo ese i le leaga, a ia fai mea lelei; ia saili i le filemu ma tausisi i ai.

Auā afai e finagalo o le Atua ia tigaina outou ona o le amio lelei, e sili ona lelei o lea i le tigaina ona o le amio leaga.