Popular Bible Verses from I. PETERU, 1

Share

Ia faafetaia le Atua, le Tamā o lo tatou Alii o Iesu Keriso, o le na fanaufouina i tatou ona o lona alofa tele, ina ia iu i le faamoemoe ua ola, i le toe tu mai o Iesu Keriso nai e ua oti, ia iu i le tofi e le pala, e leai se leaga o i ai, e le mamae lava, o loo teu i le lagi mo i tatou

O lea ua outou olioli ai, e ui lava ona faanoanoa o outou i nai aso nei, (pe afai e tatau ai,) i tofotofoga eseese. O le tofotofo foi o lo outou faatuatua, e silisili ona aoga i le auro e faaumatia, e ui lava ina tofotofoina i le afi, e avea ma mea e iu i le viiga, ma le mamalu, ma le manuia pe a faaalia mai Iesu Keriso

a e pei ona paia o ia na valaauina outou, ia faapea foi outou ona paia i a outou amio uma; auā ua tusia, Ia paia outou, auā o a‘u nei e paia lava a‘u.

Ia pei o fanau gauai, aua ne‘i faatusaina outou e outou i o outou tu‘inanau tuai, a o vālea outou

O lenei, ia outou fusi ae i sulugatiti o outou mafaufau, ia faautauta, ia atoatoa ona faamoemoe, i le alofa tunoa e molia mai ia te outou pe a faaalia mai Iesu Keriso.

Auā o tagata uma lava e tusa ia ma le mutia, o le matagofie uma foi o tagata e pei o le fuga o le vao; e magumagu le mutia, e toulu foi ona fuga; a o le afioga a le Alii e tumau lea e faavavau lava. O le afioga foi lea ua folafolaina atu ia te outou na.