Popular Bible Verses from โล​มา 4

Share

นิ่น เสียน ทิน-ฮู่ง อ๋อย เอย เจี๊ยน วั้ว เต๋ย แล์ง เญย หว่า โหฒว. นิ่น เญย เฮญี้ยว หย่า ไม้ ฮลู่ง ฮล้วด, หธ่อ จา เสียน เก้า ว้วน หย่า เธง ทิน-ฮู่ง. อับ​ลา​ฮัม เสียน ตี่ง ทิน-ฮู่ง อ๋อย เอย วั้ว เต๋ย แล์ง เญย หว่า โหฒว.

ฮนั้ง กีง-โซว เฟี้ย เจี๊ยน ก๊อง, “เยีย ปุน เม่ย โหฒว ธั้ม-ฝีง เมี่ยน เญย อง-ถาย-แงะ.” เอย ทิน-ฮู่ง หมั่ง, อับ​ลา​ฮัม โหฒว บัว เญย เตีย. อับ​ลา​ฮัม เสียน วั้ว เต้า ทิน-ฮู่ง เซ ต้ง ปุน ไต่ มี่ง เญย เมี่ยน นั่ง ต้าย หย่า ต้ง เห่ว ไม้ แก้ง ม่าย เญย กะน้าย ม่าย ต้าย ฯฒฯ หฒะเก้ง ม่าย ต้าย วั้ว เต้า ทิน-ฮู่ง.

เย​ซู หฒุ จิว ปุน เมี่ยน ไต๋ เซ หลาย บัว เญย ฒุ์ย. หฒุ ไต๋ ไต่ มป่า ทิน-ฮู่ง แอ๋ง ปุน นิ่น นั่ง ต้าย เหว่ย ปุน บัว ตุ๊ เหธา ทิน-ฮู่ง หอบ เฮญี้ยว.

ไม้ กุ๊น อับ​ลา​ฮัม กั้น ปวัด ไม้ ลั่ม ฮนั้ม อ๊ะ, นิ่น เสียน ทิน-ฮู่ง ฯฒฯ ม่าย ลั่ม ฮนั้ม เญย, หธีง ตุ๊ โหฒว เหฒีย ฝีง เมี่ยน เญย อง-ถาย-แงะ. ฮนั้ง กีง-โซว ก๊อง, “เม่ย ฒู้ง อ๋อย ม่าย เฒ้ย-ฟุน ด่ง น้าย ธั้ม.”

เหว่ย น้าย, อับ​ลา​ฮัม เญย เฒ้ย-ฟุน อ๋อย หฒุ เสียน เขา ทิน-ฮู่ง หธีง ตุ๊ ฒิบ เอย ทิน-ฮู่ง แล์ง เญย หว่า. นิ่น บัว ตุ๊ ฒิบ เซ เหว่ย ทิน-ฮู่ง เญย เอน ฮนั้ง. เอย ทิน-ฮู่ง แล์ง เญย หว่า นิ่น เปว เจี๊ยน อับ​ลา​ฮัม เญย เหยียด ฒู้ง เฒ้ย-ฟุน ตุ๊ ฒิบ. ไม้ เฒ์ย ขูง เอย เล์ย-หลัด โหฒว วั้ว เต๋ย ตุ๊ ฒิบ ฮนั้ง. นิ่น หย่า แล์ง ปุน เหยียด ฒู้ง เสียน ฮนั้ง อับ​ลา​ฮัม เสียน วั้ว เต๋ย ตุ๊ ฒิบ, เหว่ย หฒุ อับ​ลา​ฮัม โหฒว บัว เหยียด หฒวัง เญย อง-ถาย-แงะ.

ดา​วิด ก๊อง, “หาย เต้า โหฒว ต่อง ฒุ์ย มป่า ตุ๊ ทิน-ฮู่ง กวั่ง ฆอย, นิ่น ป์าม ฒุ์ย มป่า ทิน-ฮู่ง กวั่ง นิ่น เญย ฒุ์ย, วั้ว เต้า ม่าย ออน-เหลาะ. หาย เต้า ไม้ หฒุ เฒี้ยว ฝุน นิ่น ม่าย ฒุ์ย, วั้ว เต้า ฯฒฯ ม่าย ออน-เหลาะ อ๊ะ.”

กีง-โซว ก๊อง, “อับ​ลา​ฮัม เสียน ทิน-ฮู่ง. เหว่ย นิ่น เสียน, ทิน-ฮู่ง ฯฒฯ ฝุน อับ​ลา​ฮัม เหธา นิ่น หอบ เฮญี้ยว.”