Popular Bible Verses from สีง ฑูง 18

Share

เฒี้ยว โหฒว เยีย เญย หละเปย๊ย, เยีย เขา ว้วน เญย ต๋อง เหธา เหฌียว เยีย วั้ว เต้า. เยีย เญย ทิน-ฮู่ง, เซ เยีย เญย หละเปย๊ย, ต้ง เยีย ด้าว เขา วั้ว เต้า. นิ่น โหฒว เยีย เญย ท้อง-ป้าย, โหฒว ชะ เหฌียว เยีย, โหฒว ว้วน เญย ต๋อง เปว เยีย.

น้าย เต้า ทิน-ฮู่ง, นิ่น เญย โต์ ตุ้น ยุ่น เญย. เฒี้ยว แล์ง เญย หว่า, ปวัด หฒะเก้ง เฒียน เญย. นิ่น โหฒว ท้อง-ป้าย เหว่ย เหยียด ฒู้ง ด้าว เขา นิ่น เญย เมี่ยน.

เยีย เห่ว เฒี้ยว, ต้ง ผุย ตุ๊ เมี่ยน เธง วั้ว เต้า. นิ่น หย่า เหฌียว เยีย เปย๋า ดุ๊ด เยีย เญย วิน-วั้ง.

หฒุ โค้ว เญย เฒี่ยง โห่ เยีย เห่ว เจี๊ยน โท้ เฒี้ยว. เยีย เห่ว เจี๊ยน โท้ เยีย เญย ทิน-ฮู่ง เถง. นิ่น เยียม นิ่น เญย สีง ติ่น กะญั์ว หมวัง ไฮ์ เยีย เญย เฉีย. เยีย เห่ว เจี๊ยน นิ่น เญย เฉีย เปียะ เถา นิ่น เญย มน่อม.

เม่ย เตี๊ยม เหฒียะ เยีย เญย ตัง. เฒี้ยว, เยีย เญย ทิน-ฮู่ง, หฒิว เยีย หฮมวัง เญย ต๋อง ฌัง ต้าย.

น้าย เต้า ทิน-ฮู่ง ปุน เยีย ม่าย ชะ หย่า ปุน เยีย เญย เจ๊า แป้ง ออน.

เฒี้ยว เฒี่ยง เจี๊ยน. อ๋อย หฒุ เธง เยีย เญย หละเปย๊ย. อ๋อย หฒุ ท่าย เยีย เญย ทิน-ฮู่ง, ต้ง เหฌียว เยีย วั้ว เต้า.