Popular Bible Verses from ยา​กอบ 3

Share

เยียม กู้ หงว่าย ต้าย เญย ธง-เม่ง ตะเยี้ยด เซ ธีง-เหฑ่ง เญย, หย่า แป้ง ออน เญย, ส่วน เญย, เห่ ตุ๊ ก๊อง เญย. น้าย หญู่ง ธง-เม่ง ปุน ล่าน ค้อ-เลี่ยน ล่าน, หย่า ขูง โหฒว ธ้วด คู้ สี่ ฮนั้ง, ไม้ หมั่ง ไฝ หาย เต้า, หย่า ไม้ ม่าย เป้ย หฒะ เฮญี้ยว ฌ้วด เญย สี่.

เยียม เม่ย บัว หน่าย, ม่าย หาย เต้า ไกว เญย, ธง-เม่ง เญย ไฟ? นิ่น อ๋อย หฒุ หล่ง ส่วน เฮญี้ยว, หล่ง ธง-เม่ง โหฒว คู้ สี่ ปุน ธีง นิ่น ต้ง หน่าย หญู่ง เมี่ยน.

หาย เต้า ขวิน อี ปูง เมี่ยน หอบ เฮญี้ยว ต้าย เซ หฒวัง แป้ง ออน เญย ญิม. เซียว ต้าย เญย เหยียด ฒู้ง ฯฒฯ หลง เญย.

หาย นอม ต๋อง ม่าย เมี่ยน เหมว่ย เจี๊ยะ, โต้ว กั้น ตุ๊ หลง, วั้ว นอม ต๋อง ฯฒฯ เหธว หลุ่น, ม่าย หญู่งๆ หว่าย สี่ ธ้วด.

บัว หล่ง เบียด เธง เฒี้ยว หฒั่ง เตี๋ย, หย่า หล่ง เหฒียว เมี่ยน, ต้ง หฒั่ง เตี๋ย เหฒย ธ้วด ต้าย ฒวั้ง นิ่น กั้น หย่า ฮนั้ง นิ่น กั้น นอ. เธง เญย หว่า เหธา เหฒียว เญย หว่า จวั่ง ซูง ฑุ่ย ธ้วด. เยีย เญย ก๋อ-โย์ว อ้า! ฮนั้ง หน่าย หฒะเก้ง ไม้ หอบ เหยียด เต๋ย.

เบียด เซ ฮนั้ง โต์ว นอ. เบียด โหฒว ซิน เญย เหยียด หญู่ง หย่า เอ๊าะ ไห่, ปุน เอ๊าะ เญย สี่ ธ้วด ปวั๊ง เหฑ่ง ซิน. เบียด เตี๊ยม เจี๊ยน เยียม เต่ย หญัวะ ต้าย เญย โต์ว. เหยียด เสย ม่าย น้าย หญู่ง โต์ว เหฒียะ เจี๊ยน บัว เยียม.

มป่า เบียด, ไม้ ม่าย หาย เต้า ไฮ่ กุ๊น ตุ๊ เจี๊ยน. เบียด เซ เอ๊าะ ไห่, ไม้ ไฮ่ กุ๊น ไม้ เจี๊ยน, ม่าย แหล่ง ไต่ เมี่ยน เญย เดีย ปวั๊ง เหฑ่ง.

เยีย เญย ก๋อ-โย์ว อ่า, เม่ย บัว ไม้ หฒุ ม่าย เมี่ยน ธั้ม โหฒว ฟิน-แซง, เหว่ย หฒุ เม่ย บัว ฮิ้ว ตุ๊ เยีย บัว โหฒว ฟิน-แซง เญย เมี่ยน อ๋อย หฒุ เซี้ยม เก้า เฮนี้ย เจี๋ย ไม้ โหฒว เญย เมี่ยน.