Popular Bible Verses from ทิน เต่ย โต้ว 25

Share

เฒี้ยว ก๊อง บั๋ว นิ่น, “ม่าย อี ฝีง เมี่ยน เยียม เม่ย เญย กะเซีย กะญั์ว. เม่ย ยู์ง ธ้วด น้าย เต๋ย อี ฝีง, เหยียด ฝีง เหธา เหยียด ฝีง อ๋อย ปุน ฆอย. น้าย ฝีง อ๋อย เก้า เฮ้น วั้ว ฝีง. ก๋อ หย่า อ๋อย หฒุ ฟู-สู โย์ว.”

นิ่น ก๊อง บั๋ว ยา​โค้บ, “เยีย เฮญี้ยว เซีย, อ๋อย ไต่ ไห่ อ๊ะ. ปุน เต๋ย วั้ว หญู่ง กะน้าย-ซิ เยีย นะ ก๋า.” (เหว่ย น้าย เมี่ยน ธ้วด บั๋ว เห่ว นิ่น โหฒว เอ​โดม.)

เล​เบ​คา ไม้ ม่าย ฝุเจว๊ย, อี​สัก ฯฒฯ เหว่ย นิ่น เญย เอ๊า เต๋า เก๋า โท้ เฒี้ยว ปุน นิ่น เญย เอ๊า ม่าย ฝุเจว๊ย. เฒี้ยว เอย อี​สัก โท้ เญย หว่า โหฒว, เล​เบ​คา ฯฒฯ ม่าย กู้งว์า อ๊ะ.

เอ​ซาว เตา, “หมั่ง ม่าะ! เยีย อ๋อย ไต่ ไห่ อ๊ะ. โหฒว ก๋อ ตุ๊ ซูง-โก๊ว เญย เล์ย เหว่ย เยีย ม่าย หาย หญู่ง ม่าย ลั่ม หล่ง?” ยา​โค้บ ก๊อง, “มป่า เม่ย อ๋อย หฒุ โฮ้ว หม่าย ปุน เยีย ด่าง.” เอ​ซาว โฮ้ว ลิ์ว ฯฒฯ หม่าย นิ่น โหฒว ตอน-โฮล ตุ๊ ซูง-โก๊ว เญย เล์ย ปุน ยา​โค้บ หมี่ อ๊ะ.

ฆะฮ้า ยู์ง วั้ว เต้า นั้น เจี๊ยน นิ่น เญย ก๋อ, เอ​ซาว, เญย เหฒา-โฆ ธ้วด. นิ่น บัว ฯฒฯ ธ้วด บั๋ว เห่ว ยา​โค้บ. เล​เบ​คา ยู์ง น้าย เต๋ย อี เต้า ตอน วั้ว หฒั่น, อี​สัก ตุ๊ หลัวะ เหฒียบ หฮญัง.

อี​สัก เก้า ฮนั้ม เอ​ซาว, เหว่ย หฒุ นิ่น ตุ๊ หญั่น เอ​ซาว ป๊วน ต้าย เญย อ๊อ. มป่า เล​เบ​คา เก้า ฮนั้ม ยา​โค้บ.