Popular Bible Verses from 1 โค​ลิน​โท 15

Share

เยีย ฮนั้ม เญย ก๋อ-โย์ว อ่า, เหว่ย น้าย เม่ย บัว อ๋อย หฒุ เสียน ว้วน, ไม้ ตู๋ง ถุย. อ๋อย หฒุ หฒั่นๆ ธ้วด ชะ โหฒว เฒี้ยว เญย กง, เหว่ย หฒุ เม่ย บัว ฮิ้ว ตุ๊ เม่ย บัว เหว่ย เฒี้ยว โหฒว กง, ไม้ ม่าย เหยียด หญู่ง ไม้ ลั่ม หล่ง.

มป่า แล์ง ฒี่ง ทิน-ฮู่ง, นิ่น ปุน บัว เหว่ย บัว เญย เฒี้ยว เย​ซู กี​ตู่ ตุ๊ ฮี่ง.

ไม้ ตู๋ง ปุน เมี่ยน ดั๊ว. “คู้ เมี่ยน เหธา เมี่ยน หว่าย เมี่ยน โหฒว ต่อย, คู้ เมี่ยน ฯฒฯ หว่าย หมี่ อ๊ะ.”

มป่า เยีย ฮนั้ง หาย นอ, เซ เหว่ย ทิน-ฮู่ง เญย เอน หธีง ต้าย ฮนั้ง น้าย นอ. นิ่น เหธย เอน ปุน เยีย, หย่า ไม้ เฒ์ย ไม้ ลั่ม หล่ง. ต๋าว หฑวน เหยียด ฒู้ง กง-โฒ่, เยีย โหฒว กง เก้า โค้ว เจี๋ย. มป่า ไม้ เฒ์ย เยีย กั้น โหฒว, เซ ทิน-ฮู่ง เญย เอน เถง เจี๊ยน เยีย โหฒว.

“หฒุ ไต่ เญย ชะ อ้า! เม่ย ตุ๊ ฮี่ง เญย ชะ เยียม หาย? ไต่ เญย ชะ อ้า! ตั๋น เมี่ยน ไต่ เญย เดีย-โตะ เยียม หาย?” ตั๋น เมี่ยน ไต่ เญย เดีย-โตะ เซ ฒุ์ย. ฒุ์ย เญย ชะ หย่า เยียม เล์ย-หลัด ต้าย.

หมวัง หลง เยีย อ๋อย ก๊อง น้าย เต๋ย ไม้ แก้ง บย๋าง ย่าง เญย สี่ บั๋ว เม่ย บัว. บัว ไม้ เฒ์ย เหยียด ฒู้ง ไต่, มป่า บัว อ๋อย ก๊อย เหยี่ยน เหฑ่ง. หฑัด บุย ฆะฮ้า ลาย วั้ว หฑุ่น, บัว เหยียด ฒู้ง เลี่ยม เฒ่ย อ๋อย ก๊อย เหยี่ยน ด่ง เฑี้ยบ มฒีง เซี้ยบ. เหว่ย หฒุ หฑัด บุย วั้ว หฒั่น, ไต่ มี่ง เญย เมี่ยน ฯฒฯ นั่ง ต้าย, เหยียด ลิ์ว ไม้ ไต่ อ๊ะ. บัว เหยียด ฒู้ง หย่า ก๊อย เหยี่ยน.

ป้าม เมี่ยน ฮนั้ง หาย นอ หลาย เหยียด ล่าน เมี่ยน หฒุ ไต่, ป้าม เมี่ยน หย่า ฮนั้ง วั้ว นอ เหว่ย เหยียด ล่าน เมี่ยน ตุ๊ นั่ง ต้าย. หม่าน เมี่ยน ฮนั้ง หาย นอ หลาย จวั่ง อา​ดัม หฒุ ไต่, เมี่ยน หย่า ฮนั้ง วั้ว นอ เหว่ย เหธา กี​ตู่ จวั่ง แหม่ง อ๋อย ตุ๊ นั่ง ต้าย.

เหว่ย หฒุ ไฮ่ ฮู้ เญย ซิน อ๋อย ทิ้ว เป๋น ไม้ ไฮ่ ฮู้ เญย ซิน. ไฮ่ ไต่ เญย หย่า อ๋อย ทิ้ว เป๋น ไม้ ไฮ่ ไต่ เญย.

เหว่ย หฒุ กี​ตู่ อ๋อย หฒุ กุ๊น เถา ทิน-ฮู่ง เฒาะ เหยียด ฒู้ง วิน-วั้ง ปุน เยียม กี​ตู่ เญย เหฒา-เดี๊ย. ฆะฮ้า ลาย หฒุ เหมียด เญย วิน-วั้ง เซ ไต่ เญย เจ๊า.