Popular Bible Verses from Matayo 24

Share

Ukati uo, atʼu ai andakala anji muno hata kuhenzana kwa atʼu anji kusire. Ela yendavumirira hata musindikizo, bee ndiye yendativywa.

Na yiyi Nguma Mbidzo dzulu ya Ufalume wa Mulungu, yindasumurirwa duniani kosi, kwa hata atʼu a itsʼi zosi ayisikire, na ndo tsʼiku ya musindikizo wa urumwengu yifike.”

Na mundasikira kuna viha, na nziyenziye ya viha, ela gago gachilairira, mwimwi tsʼibabaikeni. Maana, gago ni seti galairire mwanzo, ela vivyo tsʼivyo kwamba gandakala ganaonyesa tsʼiku ya musindikizo wa urumwengu yindakala yifika.

Itsʼi mwenga yindaheha na itsʼi yinjine, na ufalume umwenga undaheha na ufalume unjine. Kundakala na nzala, na itsʼi yindasumba kutʼu mbalimbali. Maneno gago gosi gandakala ni mwanzo wa yiyo riki tu, dza muchetʼu yedzanza kulumwa ni ndani ya uvyazi.

Mbingu na dunia zindakala na musindikizo, ela maneno gangu kʼagandasika. Gago gandakwenderera hata kare na kare.”

Maana, atʼu anji andalairira na ahumire dzina rangu ambe, ‘Mimi ndimi yiye Kʼirisito,’ na andaalemba atʼu anji.

“Na chisha, atʼu andamugwira na amufunge kwa amushononese, na amuulage, na atʼu a viryomo vyosi andamumena kwakukala, munanikuluphira. Ndo phapho atʼu anji anikuluphirao vivi andauya nyuma, andamenana na andaguzana. Na agomvi anji a ulongo nao andalairira, na aalembe atʼu anji.

Jeso achiaudzidza achiaamba, “Dzimanyirireni mutsʼidze mukalembwa ni mutʼu yeyosi.

Ndo hata mwimwi namwi, kalani kwete ukati wosi, mana, mimi Mutʼu yelaa dzulu nindakudza ukati urio mundakala kʼamunilolera.”

Ndo dzimanyirireni, kwakukala, kʼamumanya nindauya tsʼiku yani mimi Bwana wenu.

Jeso waenderera kugomba achiamba, “Ela hata vivyo, kʼakuna mutʼu amanyaye yiyo tsʼiku, hebu saa ya musindikizo wa urumwengu yindakala rini, hata mimi Mwana na malaika a Mulungu. Amanyaye ni Baba Mulungu tu hicheye.

Maana, andalairira Kʼirisito a ulongo, na atʼu adzambao ni a Mulungu a ulongo, na ao andakudzahenda dalili za kwangalaza na mautʼu-mautʼu ga kwangalaza, kuheza kwalemba vichiidimikika hata ao atʼu otsagulwa ni Mulungu.

Viratʼu atʼu arivyokala ukati wa Nuhu, ndivyo vyondakala ukati nichikala ni phephi na kuuya mimi Mutʼu yelaa dzulu. Ukati uo wa Nuhu, muvo wa madzi phokala u phephi na kudza, atʼu áenderera kurya na kunwa, kuhwala na kuhwalwa hata ukati Nuhu ariphophenya safinani, chisha atʼu ao kʼaamanyire vivyo rokala rindahendeka hata muvo wa madzi uchidzaahosa osi. Ndo vivyo vyenye bee, ndivyo vyondakala ukati mimi Mutʼu yelaa dzulu nichikala ninauya.