Popular Bible Verses from Matayo 19

Share

Ela Jeso achialola, chisha achiaamba, “Mudamu kʼagaidima gago, ela kwa Mulungu kʼakuna rishindaro.”

Ndo ao andakala tsʼio airi kahiri, ela andakala dza kwamba ni mutʼu mumwenga. Kwa vivyo, Mulungu chochigwizanya, mudamu niatsʼichitsamule.”

Jeso achiaudzidza achiaamba, “Mukale mwimwi kʼamudzangwe kusoma kukala, Mulungu phapho mwanzo unaumba atʼu, waaumba mulume na muche, na achiamba, ‘Gago ndigo gatumago hata mulume achihwala, undaatelephuka avyazie agwirikane na muchewe, na ao airi andakala mwiri umwenga’?

Jeso ariphoona gago waamba, “Mutsʼiazize ao anache, aricheni adze kwangu, mana, Ufalume wa Mulungu ni wa atʼu ario dza aa anache.”

Elako, anji ario ni a mwanzo vivi, andakudzakala a musindikizo, na anji ario ni a musindikizo vivi, andakudzakala a mwanzo.”

Na yeyosi yericha mudzi wao, nduguze, avyazie, anae hebu mindaye kwa dzulu yangu, Mulungu undamupʼa mara gana ya gogaricha, na chisha apate uzima uphya wa kare na kare.

Jeso achimwamba, “Uchikala unahenza utsʼikale na ila yoyosi, hʼaya enda ukaguze miyoyo uriyo nayo, na pʼesa zondapata wapʼe achiya. Uchihenda vivyo, undakala udzidziikira mbeko mulunguni, hʼaya chidzako udze unituwe.”

Jeso naye achimuuza achimwamba, “Kwadze unaniuza mino, idzo ra kuhenda? Mulungu hicheye tu ndiye ariye mudzo. Kwa vivyo, uchihenza kuphenya uzimani, hʼaya tuwa malagizo ga Mulungu.”

Na dzulu ya gago, kʼaviidimikika ngamia kuchira na tʼundu ya tsʼinzano, na kʼaviidimikika muno yenye tajiri kuphenya Ufalumeni kwa Mulungu!”

Ndo ninamwambira mino, yeyosi amurichaye muchewe na hata kʼamugwirire na mutʼu, unazinga tu ahwalapho muche munjine.”

Phapho Jeso achiaamba anafunzie, “Ninamwambira jeri, ni vikomu kwa matajiri kuphenya Ufalumeni kwa Mulungu.