Popular Bible Verses from Genesis 32

Share

Nagsiring an tawo, “Diri na Jacob an imo ngaran. Nakigdulong ka han Dyos ngan han mga tawo, ngan nagdaog ka; sanglit Israel na an imo ngaran.”

Nagsiring an tawo, “Buhii na ako kay mapawa na.” “Diri ko ikaw bubuhian kon diri mo ako pagbendisyonan,” binmaton hi Jacob.

kundi pinmabilin hiya nga nag-uusaan la. Niyan inmabot in usa ka tawo ngan nakigdulong ha iya tubtob gud han pagpunias han adlaw.

Nagsiring hi Jacob, “Iginkaatubang ko gud an Dyos ngan buhi pa man gihapon ako;” sanglit iya ginngaranan nga Peniel adto nga dapit.

Han pakasabot han tawo nga waray man hiya pakakadaog, gin-igo niya an pig-i ni Jacob ngan nalisa ini.

“Ano an imo ngaran?” pinmakiana an tawo. “Jacob,” binmaton hiya.

Nagsiring hi Jacob, “Yana pagsumati ako han imo ngaran.” Kundi binmaton hiya, “Kay ano nga karuyag mo mahibaro han akon ngaran?” Ngan ginbendisyonan niya hi Jacob.

Diri ako takos han ngatanan nga pagkalooy ngan pagkamatinumanon nga iginpakita mo ha akon nga imo surugoon. Tinmabok ako han Jordan nga waray ko dara, labot hin usa la nga tungkod, ngan yana binmalik ako upod ini nga duha nga mga hugpo.

Bisan ngada yana nga adlaw diri nakaon an mga tulin ni Israel han ugaton nga unod nga tungod gud han pig-i, kay dida gud hini nga ugat naigo hi Jacob.

Niyan nag-ampo hi Jacob, “O Dyos ni Abraham nga akon apoy ngan Dyos ni Isaac nga akon amay, pamatii gad ako. Ginsiring mo ako, O GINOO, hin pagbalik ngadto han akon tuna ngan ngadto han akon kauropdan, ngan pagbebendisyonan mo ako.

Nag-aampo ako nga talwason mo ako tikang kan Esau nga akon bugto. Nahahadlok ako—nahahadlok gud ako nga bangin makanhi hiya hin pagsulong ngan pagpuo ha amon ngatanan, lakip pa an kababayen-an ngan an kabataan.