Popular Bible Verses from MGA AWIT 34

Share

Ang PANGINOON ay malapit sa may pusong wasak, at inililigtas ang mga may bagbag na diwa.

Hinanap ko ang PANGINOON, at ako'y kanyang sinagot, at iniligtas niya ako sa lahat ng aking mga takot.

Marami ang kapighatian ng matuwid; ngunit inililigtas siya ng PANGINOON sa lahat ng mga iyon.

O inyong subukan at tingnan na mabuti ang PANGINOON! Maligaya ang tao na sa kanya'y nanganganlong.

Sila'y tumingin sa kanya, at naging makinang, at ang kanilang mga mukha ay hindi mapapahiya kailanman.

Kapag ang matuwid ay humingi ng saklolo, ang PANGINOON ay nakikinig, at inililigtas sila sa lahat nilang mga gulo.

Ang anghel ng PANGINOON ay nagbabantay sa palibot ng mga natatakot sa kanya, at inililigtas sila.

Lumayo ka sa kasamaan, at ang mabuti'y iyong gawin; hanapin mo ang kapayapaan at ito'y iyong habulin.

Ingatan mo ang iyong dila mula sa masama, at ang iyong mga labi sa pagsasalita ng pandaraya.

Ang mga mata ng PANGINOON ay sa matuwid nakatitig, at sa kanilang daing, bukas ang kanyang pandinig.

O kasama kong dakilain ninyo ang PANGINOON, at magkasama nating itaas ang kanyang pangalan!