Popular Bible Verses from ISAIAS 26

Share

Iyong iingatan siya sa ganap na kapayapaan, na ang pag-iisip ay nananatili sa iyo, sapagkat siya'y nagtitiwala sa iyo.

Magtiwala kayo sa PANGINOON magpakailanman, sapagkat ang Panginoong DIYOS ay isang batong walang hanggan.

Kinasasabikan ka sa gabi ng kaluluwa ko, ang espiritu sa loob ko ay masikap na naghahanap sa iyo. Sapagkat kapag nasa lupa ang mga hatol mo, ang mga naninirahan sa sanlibutan sa katuwiran ay natututo.

PANGINOON, ikaw ay magtatalaga ng kapayapaan para sa amin, ikaw ang gumawa para sa amin ng lahat naming mga gawa.

Sa daan ng iyong mga hatol, O PANGINOON, naghihintay kami sa iyo; ang pangalan ng iyong alaala ay siyang nasa ng aming kaluluwa.

Ang daan ng matuwid ay patag, iyong pinakinis ang landas ng matuwid.

Sapagkat ibinaba niya ang mga naninirahan sa kaitaasan, ang mapagmataas na lunsod. Kanyang ibinaba, ibinaba hanggang sa lupa; ibinagsak ito hanggang sa alabok.

Buksan ninyo ang mga pintuan, upang makapasok ang matuwid na bansa na nag-iingat ng katotohanan.