Popular Bible Verses from Saray Salmo 10

Share

Dengelen mo, KATAWAN, so pikakasi da ray mapaabeba; pabiskegen moy linawa ra. Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

KATAWAN, akin et arawdawi ka? Akin et onaamut ka no nagugunigon kami?

Alagey ka, KATAWAN, ta dusam iray totoon maoges! Ag mo pa lilingwanan iray maniirap!