Popular Bible Verses from Mateo 28

Share

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo, tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus. Andi dia, ta inmoli lad bilay, onung na imbaga to. Singger kayo tan nengneng yoy pasen a dinokulan to.

Inkuanen Jesus ed sikara, “Ag kayo natatakot. Laka yo tan ibaga yod saray agagik ya onla rad Galilea, tan diman da ak nanengneng.”

Nantitipon iray manonan papari tan saray mamatakken na baley, tan nantotongtongan da no panoy gawaen da. Initdan da ra may guardia na dakerakel a kuarta tan inkuanda, “Ibaga yod saray katoowan a linma ray disipulo to tan tinakew day bangkay to, nen naogip kayo. No narengelan ya na Gobirnador, ag kayo mapaga, ta sikamiy makaoley a mitongtong ed sikato.” Inawat na saramay guardia may kuarta, tan inonur day pagagawa rad sikara. Anggad sayan agew, onyay nibabalita ed saray Judio.