Popular Bible Verses from Mateo 24

Share

Lapud mapalalon ikayat na kaogsan, ombetel so panangaroy amayamay a totoo. Balet nilaban so toon mansiansia ya anggad kasamputan.

Nipulong ed intiron mundo yan Maung a Balita a nipaakar ed Panariay Dios, a pamaneknek ed amin a katoowan. Kasumpal to ya, insan lad satan onsabiy kasamputan.”

Makadngel kayo ray bakal diad asingger tan saray balitan nipaakar ed saray bakal diad arawi, balet ag kayo mapaga. Nakaukolan a nagawa ra ya, balet aliwa nin sikato yay anggaay mundo.

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen. Balet sarayan amin et gapo ra labat na kairapan, a singa onaan a pasakit na malokun.

Naandipat so tawen tan dalin, balet ag balut naandipat iray salitak.”

Ta amayamay iray onsabi tan ikana ray ngaran ko ya ikuanda, ‘Siak so Cristo!’ Dakel iray napalingo ra.

“Erelen da kayon pairapen, insan da kayo ni pateyen. Bosulen kayoy amin a totoo lapud siak. Amayamay ed satan iray mangibeneg ed pananisia ra. Mampapaogesan tan mambobosulan ira. Amayamay met iray omparontal a tila-tilan propita, tan dakerakel so napalingo ran totoo.

Inmebat si Jesus, “Manalwar kayo tan ag kayo palilingo ed siopaman.

Kanyan nakaukolan a sipaparaan kayo, lapud onsabiy Anak na Too ed oras ya ag yo iilaloan.”

Manalwar kayo sirin, ta ag yo amtay agew na isabiy Katawan yo.

“Balet anggapoy mikabat no kapigay isabi na sayan agew o oras. Ag kabat na saray anghil ed odino say anggan say Anak. Say Ama labat so mikabat.

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Ta say isabiy Anak na Too, singa samay inkagawa nen panaon nen Noe. Kasakbayan na delap, nanaakan tan naniinom iray totoo, angaasawa tan akikiasawa ra. Onyay ginagawa ra anggad inloob nen Noe ed biong. Balet ag da amtay nagagawa anggad sinmabiy delap tan nalner iran amin. Onya met so nagawa diad isabiy Anak na Too.