Popular Bible Verses from Mateo 13

Share

Saray ilik a dinmapod mabonan dalin aliling day salitay Dios a dedengelen na totoo tan natalusan da. Sikara yay mambunga. Wala ray mambungay sanlalasus, wala ray sananemaplo, tan wala met iray santatalomplo.”

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Saramay ilik a dinmapod dalin a batoy dalem to aliling day salitay Dios a derengelen na totoo tan tampol dan aawaten a sililiket. Balet ag onlalamut tan ag mansiasiansiad puso ra. Kanyan no onsabi lay kairapan a sikara lay napasegsegang makasengeg ed salitay Dios, bigla met la ran ombetel.

“Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Wala met iray ilik a dinmapod mabonan dalin tan nambunga ra. Wala ray nambungay sanlalasus, wala ray sananemaplo, tan wala met iray santatalomplo.”

Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.’”