Popular Bible Verses from Lucas 7

Share

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.” Insan kuanen Jesus ed samay bii, “Apirdona la ray kasalanan mo.”

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Ontan met ya ag ak manepeg ya onlad sika. Ibagam labat lay salita, et onabig lay katulong ko. Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, ‘Laka!’ onla; no kuankod sananey, ‘Gala!’ ondago. No iganggan kod aripen ko, ‘Gawam ya!’ gawaen to.” Mankelaw si Jesus nen nadngel to ya. Inarap to ray totoon ontotombuk ed sikato tan inkuanto, “Kuankod sikayo: ag ko ni akarumog na ontan lan pananisiay too, ya anggan diad Israel!”

Diad saman ya oras, pinapaabig nen Jesus iray amayamay a mansasakit, saray nanairapan, tan saray inaaponay dimonyo. Iniitdan toy pakanengneng met iray amayamay a bulag. Inmebat ed saramay imbaki nen Juan, “Pawil kayod kinen Juan tan ibaga yoy anengneng tan nadngel yo: saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.