Popular Bible Verses from Genesis 17

Share

Nen mantaoy siamaplo tan siam si Abram, pinmanengneng ed sikato so KATAWAN tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Aliwa lan Abram so ngaran mo, no ag ta Abraham la, ta gawaen ta kan ama na amayamay a bansa.

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

“Misipanan ak ed sika; pagmaliwen ta kan ama na amayamay a bansa.

Balet inkuan na Dios, “Andi. Mananak na sakey a laki si Sara ya asawam tan ingaran mo na Isaac. Tooren ko so impisipanan kod sikato tan saray kabyangay boleg to. Anggad-angga yan sipanan.

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

Intuloy ni na Dios ya inkuan ed kinen Abraham, “Ag mo la tatawagen na Sarai so asawam; manlapu lad natan Sara so ngaran to.

Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo.

Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon.”

Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo. Nakaukolan a mampasegat so balang sakey a laki ed sikayo, tan sikato yay tanda ed laman yo a pakanengnengan ya andi-anggaan so impisipanan kod sikayo.