Popular Bible Verses from Марк 16

Share

– Дуьнья тирвал алад ва Шад Хабардикай чан алай кьван виридаз муштулухар це, – лагьана Ада абуруз.

Иман гвайбурун патав ихьтин керемат-ишараяр жеда: абуру Зи ТӀварцӀелай жинерар хкудда, абур цӀийи чӀаларалди рахада; абуру гъуьлягъар гъиле кьада, агъу хъвайитӀа, абуруз са зарарни жедач; азарри кьунвайбурал гъилер эцигайла, абур сагъ хъжеда.

– Ни имандал атана цик акахьун къачуртӀа, гьам хиласни жеда; нив иман тахьайтӀа, адаз кар атӀуда.

Анай хъфена, тилмизар виринра Шад Хабардикай муштулухар гуз къекъвена. Реббиди, лагьайтӀа, абуруз куьмек гузвай: Вичин патай керемат-ишараяр ракъуриз, Ада абурун гафарин дуьзвал тестикь ийизвай.

– КичӀе жемир, – лагьана гадади, – куьн хашуниз янавай Назаретви Исадихъ къекъвезвани? Адал чан хтанва, Ам ина амач. Ингье Ам эцигай чкани.

Килигайла, абуруз къван сивихъай гелянаваз жагъана. Къванни зурбади тир. Суруз гьахьайла, абуруз яргъи лацу пекер алаз эрчӀи пата ацукьнавай жегьил гада акуна. Абуруз гзаф кичӀе хьана.