Popular Bible Verses from Марк 14

Share

– Абба! Буба чан! – лугьуз хьана Ада. – Валай алакь тийидай кар авач; и гъам-пияла Зав хъваз тамир; ятӀани, Заз кӀандайвал ваъ, Ваз кӀандайвал хьурай.

Уях хьухь, куьн темягьра гьат тавурай лугьуз, дуьаяр ая, руьгьдиз кӀан хьайитӀани, беден зайиф яз амукьда.

За квез рикӀивай лугьузва: Шад Хабардикай вязер ийидай кьван чкайра и папа авур хъсан кардикай рахаз жеда, ам инсанрин рикӀерилай алатдач.

– Зи рикӀ ажалдин тӀалди незва, куьн, ксун тавуна, инал хьухь, – лагьана Ада тилмизриз.

Абур тӀуьник квайла, Исади фу къачуна, хийир-дуьа ийиз-ийиз, ам кӀус-кӀус авуна, тилмизриз пайна. – Ма, къачу, им Зи Беден я! – лагьана Ада.

Ахпа Ада сукӀра къачуна, хийир-дуьа авуна, ам абурув вугана. Вирида анай хъвана. – Им Зи Икьрардин иви я, – лагьана Исади. – Ам гзафбур хилас хьун патал авахьда.

Ана Исади тилмизриз лагьана: – Къе йифиз куьн садни Зи иман гваз амукьдач. Каламда кхьенвай «За Чубан яна кьейила, лапагар гьар сад санихъ чкӀида» лугьудай гафар Зи кьилел къведа.

Къарагъ, ша: ангье, Зун маса гузвайди мукьва хьанва.

– За ваз рикӀивай лугьузва, – жаваб гана Исади, – къе йифиз кӀекре кьведра гьарайдалди вуна Закай пудра кьил къакъудда.