Popular Bible Verses from NEHEMIAS 9

Share

Ngem isuda ken dagiti ammami nagaramidda a sipapalangguad, ket pinatangkenda ti teltelda, ket dida impangag dagiti bilbilinmo, Ket indianda ti nagtulnog, dida linagip dagiti datdatlagmo nga inaramidmo iti tengngada, no di ket pinatangkenda ti teltelda, ket iti isusukirda nangdutocda iti maysa a capitan tapno agsublida iti kinabag-en. Ngem sica ti maysa a Dios a nadadaan a mamacawan naparabur ken manangngaasi, natanang nga agpungtot ken nawadwad iti kinamanangngaasi, ket dica indian ida.

Sica ni Jehova, sica laeng a maymaysa; inaramidmo ti langit, a langit dagiti langlangit, agraman iti amin a buyotda, ti daga ken amin nga adda kencuana, dagiti taaw ken amin nga adda cadacuada, ket igigirmo ida amin; ket agcararag kenca ti buyot ti langit.

Nupay casta sica cadagiti nawadwad a kinamanangngaasim dica indian ida idiay let-ang: ti monmon nga ulep saan a pinanawan iti rabawda iti aldaw, tapno iturongna ida iti dalan; uray ti monmon nga apuy iti rabii, tapno iparangarangna cadacuada ti lawag, ken ti dalan a pagnaanda coma. Intedmo met ta naimbag nga Espiritum tapno mangisuro cadacuada, ket dica met inkedked ti manam iti ngiwatda, ket iniccam ida ti danum a gapu iti wawda. Wen, uppat a pulo a tawen a tinaraonam ida idiay let-ang, ket dida nagcurang iti aniaman: dagiti pagan-anayda dida dimmaan, ket dagiti sacsacada dida limteg.