Popular Bible Verses from MARCOS 4

Share

Ket idi a nacariing, tinubngarna ti angin ket kinunana iti baybay: Agulimecca, agtalnaca. Ket nagtalna ti angin, ket immay ti dackel a linac. Ket kinunana cadacuada: Apayapay a sibubutengcayo? Awan pay aya ti pammatiyo?

Ket isuda naaddaanda iti dackel a buteng; ket cuncunada iti maysa ken maysa: Asino ngarud daytoy nga uray ti angin ken ti baybay agtulnog da kencuana.

Ngem isu adda iti cutit ti barangay a naturog idi a sipupungan ket riniingda ket cunada kencuana: Mannursuro, Awan ti aniaman kenca no mapucawtayo?

Kinunana met cadacuada: Imdenganyo ti mangngegyo: ti rucod a pangrucodyo, isunto ti pacarucodanyo; ket maiccancayto iti adadda pay.

Ket kinunana: Castoy ti pagarian ti Dios, cas iti maysa a tao a mangipurruac cadagiti bucbukel iti rabaw ti daga; Ket maturog ken bumangon iti rabii ken aldaw ket dagiti bukel tumuboda ken dumackelda a dina maawatan no casano.

No ti siaasinoman a tao adda pagdengngegna dumngeg coma.