Popular Bible Verses from MARCOS 2

Share

Ket idi nangngeg ni Jesus daytoy cunana cadacuada: Dagiti sisasalunat awan ti pacasapulanda iti mangngagas, no di ket dagiti masacsakit; saanac nga immay nga agayab cadagiti nalinteg; no di ket cadagiti managbasol.

Idi ngarud makita ni Jesus ti pammatida, cunana iti daydi saan a macagunay: Anac, dagiti basbasolmo mapacawanda.

Ket kinunana cadacuada: Ti aldaw a panaginana naaramid a maipaay iti tao, ket saan a ti tao maipaay iti aldaw a panaginana.

Ket idi saanda a mabalin ti umasideg kencuana gapu iti umariwecwec a tattao binutbutanda ti atep ti balay a yanna idi; ket idi a nabutawanda, imbabada ti langcapi a nagiddaan daydi saan a macagunay.

Tapno maammoanyo ngarud, a toy Anac ti tao adda pannacabalinna ditoy daga a mamacawan cadagiti basbasol cunana idi saan a macagunay: Cunac kenca: Tumacderca, bagcatem ta langcapim ket inca idiay balaymo.

Ania ti nalaclaca, ti panagcuna itoy saan a macagunay: Dagiti basbasolmo mapacawanda: wenno ti panagcuna: Tumacderca, ket alaem ti langcapim ket magnaca?

Ket timmacder, ket binagcatna a dagus daydi langcapi, ket rimmuar iti sangoananda amin; iti casta nagsiddaawda amin, ket dinaydayawda ti Dios a cuncunada: Uray caano dicam pay nacakita ti castoy.