Popular Bible Verses from MATEO 10

Share

Adtoy, siac ibaoncayo a cas la carnero iti tengnga dagiti lobo: naannadcayo ngarud a cas la cadagiti uleg ken nasingpetcayo a cas la cadagiti calapati.

Ti mangipangpangrona iti biagna, mapucawnanto; ket ti macapucaw iti biagna gapu caniac, masaracannanto.

Ket saanyo a pagbutngan dagiti mamapatay iti bagi, ngem ti cararua dida mabalin a papatayen; ngem pagbutnganyo ketdi daydiay macabalin a mangpukaw iti carurua ken iti bagi idiay infierno.

Ket ti di mangibaclay ti cruzna ken sumurot caniac, saan a maicari caniac.

Tunggal maysa ngarud, a mangipaduyacyac caniac iti sangoanan dagiti tao, isu ipaduyacyacconto met iti sangoanan ni Amac nga adda sadi langit. Ngem uray siasino nga aglicudto caniac iti sangoanan dagiti tao, isu paglicudacto met iti sangoanan ni Amac nga adda sadi langit.

Paimbagenyo dagiti masacsakit, pagungarenyo dagiti natay dalusanyo dagiti agcucutel, paruarenyo dagiti sairo: ti inawatyo nga awan bayadna itedtyo nga awan bayadna.

Gapuna dicay agbuteng: ta napatpategcayo ngem cadagiti adu a billit tuleng.

Dicayo pagarupen nga immayac a mangiwara ti talma iti rabaw ti daga: saanac nga immay mangiwara ti talna, no di ket campilan.