Popular Bible Verses from MALAKIAS 3

Share

Yegyo ti amin nga apagcapullo, iti camalig, tapno adda coma taraon iti balayco, ket padasendac ita iti daytoy, cuna ni Jehova dagiti buybuyot, no siac diacto luctan cadacayo dagiti tawtawa ti langit, ket ibuyatconto cadacayo ti bendicion, nga awanto ti lugar a macalaon nga umawat.

Ket ungtacto ti manangalun-on maipuon cadacayo, ket isu dinanto dadaelenen dagiti bungbunga ti dagayo, uray ti uvasyo dinanto regregenen dagiti bungana idiay away iti sacbay ti panawen, cuna ni Jehova dagiti buybuyot. Ket amin a nasnacion naganendacayto a nagasat; ta dacayto ti namayengmeng a daga, cuna ni Jehova dagiti buybuyot.

Ket isuda cucuacto ida, cuna ni Jehova dagiti buybuyot, cucuac met laeng, iti aldaw nga aramidecto; ket igagacto ida a cas iti panangigaga ti tao iti anacna met laeng nga agservi kencuana. Iti casta agsublicayto ken mabigbigyonto iti nalinteg ken iti managdacdakes, daydiay agservi iti Dios ken daydiay saan nga agservi kencuana.

Adtoy, ibaonco ti babaonec, ket isu isaganananto ti dalan iti sangoc: ket ti Apo a birukenyo, umayto iti apagdaricmat iti templona; ket ti babaonen ti tulag, isu a calicagumanyo, adtoy, umay, cuna ni Jehova dagiti buybuyot.