Popular Bible Verses from MALAKIAS 1

Share

Ti anac a lalaki dayawenna ni amana, ket ti adipen iti apona: no siac ngarud ti ama, sadino ti yan ti pannacadayawco? ket no siac ti apo, sadino ti yan ti panagbuteng caniac? cuna ni Jehova dagiti buybuyot cadacayo, O papadi, a manglalais iti naganco, ket dacayo cunaenyo, Iti ania ti nanglaisanmi iti naganmo?

Ta manipud iti ileleggac ti init agingga iti ilelennecna met laeng ti naganco dackelto cadagiti Gentiles; ket iti tunggal disso maidatonto ti incienso iti naganco, ken ti nadalus a daton: ta ti naganco dackelto cadagiti Gentiles, cuna ni Jehova dagiti buybuyot.