Popular Bible Verses from LUCAS 9

Share

Ket cuncunana cadacuada amin: No asinoman a tao ti mayat nga sumurot caniac, paglicudanna ti bagina, ket alaenna ti cruzna iti inaldaw ket surutennac.

Ta uray siasino a mayat coma a mangisalacan iti biagna, mapucawnanto; ngem uray siasino a macapucaw iti biagna gapu caniac, maisalacannanto.

Ngem ni Jesus kinunana kencuana: Awan ti tao nga idinto nga immiggem iti arado ken tumaliaw pay iti licudan, a maicari iti pagarian ti Dios.

Ta ania ti magongona ti tao no maalana amin a lubong, ngem mapucawna ken dadaelenna ti bagina?

Ta uray siasino a mangibain caniac ken cadagiti saoc, ibainto met ti Anac ti tao, inton umay a sidadayag ken ni Ama ken dagiti nasantoan nga anangel.

Ket kinuna kencuana ni Jesus: Dagiti musang adda rukibda, ket dagiti tumatayab ti tangatang adda umocda; ngem ti Anac ti tao awan ti pangisadaganna iti olona.

Ket cunana cadacuada: Uray siasino nga umawatto itoy ubing iti naganco, awatennacto; ket uray siasino nga umawat caniac, awatenna ti nangibaon caniac; ta ti canumoan cadacay amin, isu met laeng ti cangatoan.