Popular Bible Verses from JOSUE 1

Share

Saanco aya nga imbilin kenca? Bumilegca, ket umingelca: saanca nga agbuteng ket dica met agcullayaw: ta ni Jehova a Diosmo adda kenca iti sadinoman a papanam.

Daytoy a libro ti linteg dinto umadayo ita ngiwatmo: no di ket iti aldaw ken iti rabii panpanunotemto, tapno tungpalem nga aramiden ti cas mayalubog iti isua-min nga adda a naisurat kencuana: ta iti casta parang-ayemto ti dalanmo ket iti casta addanto naimbag a banagmo.

Isuna laeng a bumilegca ken umingelca unay, tapno tungpalem nga aramiden iti cas mayalubog iti isu-amin a linteg, a ni Moises nga adipenco imbilinna kenca: saanmo a pagpanawan uray iti macanawan uray iti macatigid, tapno agbanagcanto a sisasayaat iti sadinoman a papanam.

Awan ti siasinoman a tao a macagawayto kenca cadagiti isu-amin nga al-aldaw ti panagbiagmo: cas iti caaddac idi ken ni Moises casta met ticaaddacto kenca; dicanto baybay-an ken dicanto met panawan.

Bumilegca ket umingelca; ta sicanto ti mamagtawid cadagitoy a tattao iti daga nga insapatac cadagiti ammada nga itedco cadacuada.

Ti tumunggal disso a ti dapan ti sacam baddekennanto, dayta itedconto cadacayo, a cas insaoc idi ken ni Moises.

Ni Moises nga adipenco natayen: tumacderca ngarud ita, ket ballasiwem daytoy Jordan, sica ken isu-amin daytoy nga umili, iti daga isu nga itedco cadacuada, cadagiti met laeng annac ti Israel.

Ket naaramid iti calpasan ti ipapatay ni Moises nga adipen ni Jehova, a ni Jehova nagsao ken ni Josue nga anac ni Nun, a catulongan ni Moises, a kinunana

Manipud iti let-ang ken iti daytoy Libano agingga iti dackel a carayan, ti carayan nga Eufrates, isu-amin a daga dagiti Jetteos, ken aginggana iti dackel a taaw iti agpalelennecan ti init, isunto ti beddengyo.

Uray siasino a sumalungasingto iti bilinmo, ket saan a dumngegto cadagiti sasaom iti amin nga ibilinmonto kencuana, mapapatayto; isuna laeng a bumilegca ken umingelca.

Magnacayo ket lasatenyo daytoy a pacarso ket ibilinyo cadagiti tattao, a cunayo, Mangsaganacayo iti taraon: ta iti uneg ti tallo nga al-aldaw bumallasiwcayto itoy Jordan tapno sumreccayo nga agtagicua iti daga, a ni Jehova a Diosyo itedna cadacayo, tapno isu ti tagicuaenyo.