Popular Bible Verses from JOEL 2

Share

Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes

Ket maaramidto iti calpasanna, nga ibucbocconto ti Espirituc iti amin a lasag; ket dagiti annacyo a lallaki ken babbai agipadtodanto, dagiti lallacayyo agtagtagainepdanto cadagiti tagtagainep; dagiti agtutuboyo a lallaki macakitadanto cadagiti sirsirmata

Ket pigisenyo ti pusoyo, a saan a dagiti cawesyo, ket agsublicay ken Jehova a Diosyo; ta isu managparabur ken manangngaasi, natanang nga agunget, ket aglablabes iti kinamanangngaasi, ket isu ibabawina ti dakes.

Ket maaramidto, nga uray siasino nga umawagto iti nagan ni Jehova, maisalacanto; ta idiay bantay Sion ken idiay Jerusalem addanto dagidiay a macatalaw, cas sinao ni Jehova, ket cadagiti matidda addanto dagiti ayayaban ni Jehova.

Ti init agbalinto a sipnget, ket ti bulan dara, no di pay dumteng ti dackel ken nacakigkigtot nga aldaw ni Jehova.