Popular Bible Verses from JUAN 14

Share

Ti talna ibatic cadacayo, ti talnac itdec cadacayo: saan a cas iti panangited ti lubong ti panangitedco cadacayo. Saan coma nga agpulcoc ti pusoyo ken di agbuteng.

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

Saan coma nga agpulcoc ti pusoyo; mamaticayo iti Dios, mamaticayo met caniac.

Ngem ti Manangliwliwa, ti Espiritu Santo, nga ibaonto ni Ama iti naganco, isu isuronanto cadacayo dagiti amin a banag, ket ipalagipnanto cadacayo dagiti isu-amin nga imbagac cadacayo.

Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

Ket agdawdawatacto ken Ama, ket iccannacayto ti Manangliwliwa a sabali, tapno adda cadacayo nga agnanayon. Nga isu ti Espiritu ti pudno, isu a ti lubong saanna a mabalin nga awaten, ta dina makita ket dina mailasin, dacayo ammoyo, ta makipagtaeng cadacayo, ken addanto iti unegyo.

Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac. No adda aniaman a dawatenyonto iti naganco, dayta ti aramidecto.

No ayatendac, tungpalenyo dagiti bilbilinco.

Idiay balay ni Amac adda adu a pagianan: no coma no saan a casta, kinunac coma cadacayo, ta innac isaganaancayo ti pagianan.

Ket no innac coma ket isaganaancayto ti pagianan, umayacto manen, ket icuyogcayto caniac met laeng: tapno no adino ti yanco, addacay met coma.

Cuna kencuana ni Tomas: Apo, dicam ammo no adino ti papanam: casano ti pannacaammomi ti dalan?