Popular Bible Verses from JUAN 10

Share

Ti mannanacaw saan nga umay no di tapno agtacaw, ken agpatay, ken agdadael: siac immayac tapno maaddaanda ti biag ken tapno maaddaanda ti nawadwad unay.

Siac ti naimbag a pastor: ti naimbag a pastor itedna ti biagna gapu cadagiti carnerona.

Dagiti carneroc denggenda ti timecco, ket ammoc ida ket surutendac

Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

Siac ti ruangan; ti sumrec a magna caniac, maisalacanto, ket sumrec ken rumuarto ket macasaracto ti pagaraban.

Siac ti naimbag a pastor, ket ammoc dagiti cucuac ket dagiti cucuac ammodac

Ni Amac a nangted caniac cadacuada, dacdakel ngem cadagiti isu-amin: ket awan ti macabalin a mangrabsut cadacuada iti ima ni Amac. Siac ken ti Ama maymaysacami.

A cas ti Ama amammonac, casta met siac amammoc ti Ama: ket itedco ti biagco maipoon cadagiti carneroc.

Awan ti mangiccat caniac no di ket iyawatco a sisiac. Adda pannacabalinco a mangyawat ti biagco ken adda pannacabalinco met a mangawat manen, Daytoy a bilin inawatco ken Amac.

Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

Ti makitangtangdan a saan a pastor, a dina cucua dagiti carnero, no makitana ti lobo nga umay, itarayanna dagiti carnero, ken baybayanna ida; ket ti lobo rabsuten ken warawaraenna ida:

Pudno, pudno, cunac cadacayo, ti saan a sumrec iti ruangan ti pacayaponan dagiti carnero, no di ket cumalay-at iti sabali a dalanan isu met laeng ti mannanacaw ken tulisan.