Popular Bible Verses from JEREMIAS 7

Share

Ta saanac a nagsao cadagiti ammayo wenno imbilinco cadacuada idi aldaw a panangaonco cadacuada iti daga ti Egipto, a maipapan cadagiti datdaton a mapuuran wenno sacrificio: Ngem daytoy a banag imbilinco cadacuada, a kinunac, Ipangagyo ti timecco, ket siacto ti Diosyo, ket dacayto ti ilic; ket magnacayo iti amin a dalan nga ibilinco cadacayo, tapno mapaimbagcayo.

Ngem isuda saanda a nangipangag, wenno intimud ti lapayagda, no di ket nagnada iti bucodda a pammagbaga ken iti kinatangken ti dakes a pusoda, ken nagsanodda, ket saan a nagna iti masangoanan.

Ta no pasayaatenyo a nalaing dagiti dalanyo ken dagiti gapuananyo; no agaramidcayo a naananay iti kinajusticia iti tao ken ti padana a tao. No saanyo nga irurumen ti gangannaet, ti ulila, ken ti balo, ken dicayo mangiparucpuc ti awan basolna a dara iti daytoy a disso, ket dicayo met sumurot cadagiti sabali a diosen nga agpaay a pacaranggasanyo met laeng; Iti casta pagnaedencayto ditoy a disso, iti daga nga intedco cadagiti ammayo, nanipud idi unana agpapan iti agnanayon.

Castoy ti cuna ni Jehova dagiti buybuyot, ti Dios ti Israel, Pasayaatenyo dagiti dalanyo ken dagiti gapuananyo, ket pagnaedencayto ditoy a disso.