Popular Bible Verses from ISAIAS 60

Share

Tumacderca, agraniagca; ta ti lawagmo umay, ket ti dayag ni Jehova lumgac kenca.

Ket dagiti nasnacion umaydanto ita lawagmo, ken dagiti ar-ari iti raniag ta ileleggacmo.

Ta, adtoy, ti kinasipnget abungotanna ti daga, ket ti napuscol a kinasipnget cadagiti il-ili; ngem ni Jehova lumtuadto kenca, ket ti dayagna makitanto iti rabawmo.

Ti bassit agbalinto a sangaribu, ket ti cabassitan maysa a napigsa a nacion: Siac, ni Jehova, aramidecto a nadaras iti pannawenna.

Ti init saanton nga isu ti lawagmo iti aldaw; uray ti raniag ti bulan dinanto itden ti lawagna kenca: no di ket ni Jehova isunto ti agnanayon a silawmo, ket ti Diosmo ti dayagmo.

Ti initmo dinto lumneken, uray ti bulanmo dinto bumassit; ta ni Jehova isunto ti agnanayon a lawagmo, ket dagiti aldaw ti panagpanesmo manungpaldanto.

Iti casta makitamto ket agraniagca, ket ta pusom agrag-onto ken mapadackelto; agsipud ta ti kinawadwad ti taaw agturongdanto kenca, ti sanicua dagiti nasnacion umayto kenca.

Itangadmo dagita matam iti aglicmut ket cumitaca: isuda amin agguurnongda, umayda kenca; dagiti annacmo a lallaki umaydanto nga aggapuda iti adayu, ket dagiti annacmo a babbai masacroydanto cadagiti tactackiag.

Ti umilim met nalintegdanto amin; isuda tawidendanto ti daga iti agnanayon, ket ti sanga ti panagmulmulac, ti aramid dagiti im-imac, tapno madaydayawac.

Ti panagrabsut dinto mangngegen iti dagam, ti pannacaracrac ken pannacarba cadagiti beddengmo; no di ket sica naganemto dagiti bacudmo iti Pannacaisalacan, ken dagiti ruanganmo iti Dayaw.

Dagiti met ruanganmo cancanayondanto a silulucat; didanto maripcan iti aldaw uray iti rabii; tapno dagiti lallaki mabalinda coma a yeg kenca ti sanicua dagiti nasnacion, ket dagiti arida macayawanda.

Ti kinaadu dagiti camcamello abbongandacanto, dagiti dromedarios a taga Madian, ken taga Efa, isuda amin manipud sadi Seba umaydanto; isuda mangyegdanto iti balitoc ken incienso, ket iwarragawagdanto dagiti pannacadaydayaw ni Jehova.

Ket dagiti gangannaet bangonendanto dagiti bacudmo, ket dagiti arida agservidanto kenca ta iti pungtotco sinaplita, ngem iti paraburco kinaasianca.

Idinto a sica naidianca ken naguraca idi, iti casta nga awan ti tao a limmasat kenca, aramidencanto a maysa a kinadaeg iti agnanayon, maysa a ragsac dagiti adu a caputotan.

Sica met susopemto ti gatas dagiti nasnacion, ket susopemto dagiti barucong dagiti ar-ari; ket sica maammoamto a siac, ni Jehova, ti Mannangisalacan kenca, ken Mannubbot kenca ti Mannacabalin ni Jacob.