Popular Bible Verses from ISAIAS 6

Share

Ket nangngegco ti timec ti Apo, a kinunana, Asino ti ibaonconto, ken asino ti mapan a gapu cadatayo? Idin kinunac, Adtoyac; ibaonnac.

Ket nagiinnickisda ti maysa ken maysa a kinunada, Santo, Santo, Santo ni Jehova dagiti buybuyot: ti isu-amin a daga napno iti dayagna.

Idin kinunac, Asiac pay! ta madadaelac; agsipud ta taoac a narugit dagiti bibigna ket makipagtaengac cadagiti tattao a narugit dagiti bibigda: ta dagiti matac nakitada ti Ari, a ni Jehova dagiti buybuyot.

Idi tawen nga ipapatay ni ari Uzias nakitac ti Apo a situtugaw iti maysa a trono, a nangato ken natan-oc; ket ti gayadan ti cawesna pinunnona ti templo.

Ket isu ti indeppelna iti ngiwatco, ket kinunana, Adtoy, daytoy dimmeppel cadagiti bibigmo; ket ti kinadakesmo naiccat, ken ti basolmo napacawan.

Iti ngatona nagtacder dagiti serafin, a ti tunggal maysa adda innem a payacna, dagiti dua pangabbongna iti rupana, ket dagiti dua pangabbongna cadagiti sacana, ket dagiti dua pagtayabna.

Idin timmayab nga immay caniac di maysa cadagiti serafin, nga adda maysa a beggang iti imana, nga innalana a sinipit idi altar

Ket isu kinunana, Inca, ket ibagam cadagitoy a tattao, Pudno a mangn gegyo, ngem dicayo maawatan; ken pudno a makitayo ngem dicayo mailasin.

Palucmegenyo dagiti puspuso daytoy nga umili, ken pagdagsenenyo dagiti lapayagda, ken pagkidemenyo dagiti matada; di la ket ta macakitada cadagiti matada, ken macangngegda cadagiti lapayagda, ken macaawatda cadagiti pusoda, ken agbabawida ket mapasalun-atda.