Popular Bible Verses from ISAIAS 12

Share

Adtoy, ti Dios isu ti pacaisalacanac agtalecacto, ket saanacto nga agbuteng ta ni Jehova, a ni met laeng Jehova, isu ti pigsac ken cantac: ket isu nagbalin a pacaisalacanac.

Gapuna a sumacducayo a sirarag-o iti danum cadagiti bubon ti pacaisalacanan.

Cantaanyo ni Jehova; ta isu inaramidna dagiti mangnibinibi a banbanag: maipacaammo coma daytoy iti isu-amin a daga.

Ket iti dayta nga aldaw cunaenyonto, Agyamancayo ken ni Jehova, awaganyo ti naganna, ipalawagyo dagiti ar-aramidna cadagiti inilin-ili, isaritayo a ti naganna maitanoc.

Ket iti dayta nga aldaw cunaemto, Agyamanacto kenca, O Jehova; ta nupay no nagungetca caniac, ti pungtotmo maiccat, ket liwliwaennac.

Apdir-ica ken agriawca sica nga agtaeng iti Sion; ta ti Santo ti Israel dackel iti nagtengngaam.