Popular Bible Verses from HEBREO 10

Share

A ditay baybay-an dagiti panaggigimongtayo, cas iti cadawyan dagiti dadduma, no di ket agbibinnalacadtayo, ket nangnangrona gapu ta makitayo nga umas-asideg ti aldaw.

Ket agpipinnanunottayo a maipaay iti pannacaparegtatayo iti ayat ken cadagiti naimbag nga ar-aramid

Salimetmetantayo coma a sititibker ti panangipaduyacyac ti inanamatayo tapno di agisin (ta mapagtalcan daydiay nagcari)

Ta masapulyo ti anus, tapno iti calpasan ti panangaramidyo iti pagayatan ti Dios, awatenyo ti naicari.

Umadanitay coma a buyugen ti puso a napudno, iti naan-anay a kinatalged ti pammati, nga adda a nawarisan dagiti puspusotayo, a nadalusanda iti dakes a nakem ket nabuggoan dagiti bagbagi iti danum a nadalus

Dicay ngarud pucawen ti pananginanamayo, nga addaan dackel a supapac.

Ta no agbasoltayo a sipapakinakem, iti calpasan ti panangawattayo iti pannacaammo iti pudno, awanen ti mabalintayo nga idaton gapu cadagiti basbasol, No di ket ti maysa a nacabutbuteng a panagur-uray iti pannacaocom, ken maysa a kinarungsot ti apuy, a mangalununto cadagiti cabcabusor.