Popular Bible Verses from GENESIS 28

Share

Ket, adtoy, addaac kenca, ket aywanamanto iti uray sadino a papanam, ket isublicanto ditoy a daga; ta dicanto baybayan, agingga iti diac matungpal ti sinaoc kenca.

Ket, adtoy, ni Jehova nagtacder iti rabawna ket isu kinunana, Siac ni Jehova, a Dios ni Abraham, nga amam, ken ti Dios ni Isaac: ti daga a nagiddaam itdecto kenca ken cadagiti caputotam

Ket ni Jacob nacariing iti turogna, ket kinunana, Pudno unay a ni Jehova adda ditoy a disso; ket siac saanco nga ammo idi.

Ket ni Jacob nagcari iti maysa a cari, ket kinunana, No addanto coma ti Dios caniac, ket saluadannacto iti daytoy a dalan a papanac, ket iccannacto iti taraonco ken pagananay a pagcawesco, Tapno agsubliac a sicacappia idiay balay ni amac, ket ni Jehova isunto ti Diosco, Daytoy a bato, ngarud, a pinatacderco a teddec, isunto ti balay ti Dios: ket cadagiti amin nga itedmonto caniac, itdecto a di agcurang ti apagcapulloda kenca.

Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: ket amin dagiti famfamilia ditoy lubong mabendicionandanto kenca ken cadagiti putotmo.

Ket pinanagananna ti nagan daydi a disso iti Bethel: ngem ti nagan ti ili Luza idi unana.