Popular Bible Verses from EXODO 20

Share

Siac ni Jehova a Diosmo, a nangaon kenca iti daga nga Egipto, iti balay a nacaadipnan. Awan ti sabali a diosmo iti sangoc.

Dica mangaramid iti maipaay kenca a ladawan a kinitikitan, uray ania a catulad ti adda idiay ngato sadi langit, wenno ti adda iti baba ditoy daga, wenno ti adda iti danum iti uneg ti daga: Dica irucnoy ti bagim cadacuada wenno pagservian ida; ta siac ni Jehova a Diosmo manangimonac a Dios, a mangipasarungcar iti kinadakes dagiti amma cadagiti annac, cadagiti maicatlo ken maicappat a caputotan dagiti gumura caniac.

Dayawem ni amam ken ni inam, tapno umatiddug dagiti aldawmo iti daga nga ni Jehova a Diosmo itedna kenca.

Laglagipem ti aldaw a panaginanana tapno santificarem.

Dica aramaten iti barengbareng ti nagan ni Jehova a Diosmo ta ni Jehova saannanto a di pabidduten ti mangaramat iti naganna iti barengbareng.

Cadagiti innem nga aldaw agtrabajocanto, ket aramidem amin nga aramidmo; Ngem ti maicapito nga aldaw isu ti maysa a panaginana ken Jehova, a Diosmo: iti dayta nga aldaw, dica agtrabajo iti uray ania, sica, wenno ti anacmo a lalaki, wenno ti anacmo a babai, wenno ti adipenmo a lalaki, wenno ti adipenmo a babai, wenno dagiti animalmo, wenno ti gangannaetmo nga adda iti uneg dagiti ruanganmo

Dica aguman ti balay ti padam a tao, dica aguman ti asawa ti padam a tao, uray ti adipenna a lalaki, uray ti adipenna a babai, uray ti vacana, uray ti asnona, uray aniaman a cucua ti padam a tao.

Dica agsacsi iti ulbod a maibusor iti padam a tao.

Dica makiabig iti dica asawa.

Dica mamapatay.

Dica agtacaw.