Popular Bible Verses from EXODO 2

Share

Ket ti Dios dinengngegna ti sasainnecda, ket ti Dios linagipna ti tulagna ken Abraham, ken Isaac, ken Jacob. Ket ti Dios minatmatanna dagiti annac ti Israel, ket ti Dios linagipna ida.

Ket naaramid iti panaglasat dagidiay adu nga al-aldaw a natay ti ari ti Egipto: ket dagiti anac ti Israel nagasugda a gapu iti pannacaadipen, ket nagickisda, ket ti ickisda dimmanon iti Dios gapu iti pannaca-adipen.

Ket ti ubing dimmackel, ket impanna iti anac a babai ni Faraon, ket isu (ti ubing) nagbalin a pannacaanacna. Ket in-galadna ti naganna a Moises, ket kinunana, Gapu ta iti danum ti nangalaac kencuana.

Ket ti anac a babai ni Faraon kinunana kencuana, Alaem daytoy nga ubing, ket tagibiem gapu caniac ket itedconto kenca ti gongonam. Ket ti babai innalana ti ubing ket tinagibina.

Ket ti anac a babai ni Faraon immulog nga agdigos iti carayan; ket dagiti babbalasangna agpagpagnada iti igid ti carayan: ket nakitana ti bassit a bilog cadagiti roroot, ket binaonna ti balasangna a mangala.

Ket naaramid cadagidiay nga al-aldaw, a idi ni Moises numakem, napan cadagiti cacabsatna, ket nakitana dagiti rigrigatda: ket nakitana ti maysa nga Egipcio a kimmabil iti maysa nga Hebreo a maysa cadagiti cacabsatna. Ket nagtaliataliaw ket idi makitana nga awan tao, pinatayna ti Egipcio, ket inlumlumna iti cadaratan.