Popular Bible Verses from EXODO 15

Share

Ket kinunana, No ipangagmonto a sipapasnec ti timec ni Jehova a Diosmo, ket aramidemto ti nalinteg iti imatangna, ket imdengamto dagiti bilbilinna, ket salimetmetamto amin dagiti al-alagadenna awanto ti iccabilco kenca cadagiti sakit nga incabilco cadagiti Egipcios: ta siac ni Jehova a mamaimbag kenca.

Ni Jehova isu ti pigsac ken ti daniwco, Ket isu ti nagbalin a salacanco: Daytoy isu ti Diosco ket idaydayawconto; Ti Dios ni Amac, ket itan-occonto.

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Iti kinaimbag ti dongngom imparocpocmo cadagiti tattao a sinubbotmo: Indalanmo ida ita pigsam ti pagnaedam a nasantoan.

Ket idi macadanonda idiay Mara, dida nabalin ti imminum cadagiti dandanum ti Mara, ta napaitda: gapuna a ninagananda Mara. Ket dagiti tattao nagdanengdengda ken Moises, a cunada, Ania ti inumenminto? Ket isu immaoag ken Jehova; ket ni Jehova impatuldona kencuana ti maysa a cayo, ket intappuacna cadagiti dandanum, ket dagiti dandanum simmam-itda. Idiay nagaramid iti maipaay cadacuada iti maysa nga alagaden ken maysa a nagbilinan, ket idiay sinuutna ida