Popular Bible Verses from DEUTERONOMIO 28

Share

Ket maaramidto a no imdengamto a sipapasnec ti timec ni Jehova a Diosmo, tapno tungpalem nga aramiden amin a bilbilinna, isu nga ibilinco kenca itoy nga aldaw, ni Jehova a Diosmo icabilnacanto a naipadpaduma cadagiti isu-amin a nasnacion iti daga

Ket amin dagitoy a benbendicion umaydanto kenca, ket camacamendacanto no ipangagmo ti timec ni Jehova a Diosmo.

Ket ni Jehova aramidennacanto nga olo, nga saan nga ipus; ket sicanto la ti akinngato, ket saancanto nga akinbaba: no ipangagmonto dagiti bilbilin ni Jehova a Diosmo, nga ibilinco kenca itoy nga aldaw, tapno tungpalem ken aramidem ida

Ni Jehova luctannanto kenca ti nasayaat a gamengna a dagiti langlangit, a mangted iti tudo iti dagam no tiempona, ken mangbendicion iti amin a gapuanan ta imam: ket sica agpautangcanto cadagiti adu a nasnacion, ket sica dicanto umut-utang.

Ni Jehova pacabilnanto iti sangom dagiti cabusormo a tumacder iti maicaniwas kenca: isuda rumuardanto iti maymaysa a dalan nga umay bumusor kenca, ket agtaraydanto manipud iti sangom cadagiti pito a daldalan.

Ni Jehova ibaonnanto ti bendicion kenca cadagiti sarsarusarmo, ken iti amin a pangaramatan iti imam ket bendicionannacanto iti daga a ni Jehova a Diosmo itedna kenca.

Benditocanto no sumrecca, ket benditocanto no rumuarca.

Benditocanto iti ili, ket benditocanto iti away.

Benditonto ti bunga ta bagim, ken ti bunga ti dagam, ken ti bunga dagiti an-animalmo, ti mainayon iti arbanmo, ken ti urbon ti arbanmo.

Ni Jehova bangonennacanto a maysa a nasantoan a ili kencuana, cas insapatana kenca; no salimetmetamto dagiti bilbilin ni Jehova a Diosmo, ken magnaca cadagiti daldalanna.

Benditonto ti labbam ken ti paggamayam.

Ket ni Jehova aramidennacanto nga aglaplapusanan iti imbag, iti bunga ti bagim, ken iti bunga dagiti an-animalmo, ken iti bunga ti dagam, iti daga a ni Jehova insapatana cadagiti ammam, nga ited kenca.

Ket amin dagiti il-ili ti daga makitadanto a sica maawagancanto iti nagan ni Jehova; ket isuda agbutengdanto kenca.

Ket dicanto paglisian ti uray ania cadagiti sasao nga ibilinco kenca itoy nga aldaw, iti canawan man wenno iti catigid, tapno sumurotca cadagiti sabali a didios, nga agservica cadacuada.

Ngem maaramidto a, no dicanto ipangag ti timec ni Jehova a Diosmo, tapno tungpalem ken aramiden amin a bilbilinna, ken al-alagadenna, nga ibilinco kenca itoy nga aldaw, amin dagitoy a lunlunod umaydanto kenca, ket camatendacanto.